Vandag het ek geleer dat as jy die afgelope week baie baie sleg geslaap het en ‘n fenominale spasm tussen jou skouers het jy onder geen omstandighede Voltarens moet drink nie.
Vandag het ek geleer dit help jou bôggerol om te eet nadat jy te sterk pille gedrink het op ‘n leë maag.
Vandag het ek geleer dat jy kan wraggies kan gaap dat jou ore tuit.
Vandag het ek geleer dat nie eens ‘n blikkie van die beste energie drankies (wat ek net nooit drink nie) jou gaan regruk nie.
Vandag het ek geleer dat as jy soos ‘n haas met oop oë sit en slaap gaan jou kollegas vir jou oogdruppels gee en sê : jy lyk glad nie lekker nie, knip net jou oë ‘n slag.
Vandag het ek geleer hoe lank ‘n minuut kan wees.
Vandag het ek geleer dat jy wel diskreet ‘n kwylstreep van jou wang kan afvee.
Vandag het ek geleer – so waar as wraggies ek het geleer – dat daar geen salf te smeer is aan onbesonne oomblikke nie.
= )
Somtyds 