Faith It

Die proverbial pawpaw het die fên in passionpink geslaan in my lewe.

Die skade waarde (bestaan daar ooit so woord of konsep?) van Gloria het vandag sy pad gevind tot by my.

Ek en Engelkind benodig ‘n middelman wat vrederegter kan speel.  Twee vrouens so op hul eie is nie altyd goed nie.  Veral nie as een hap aan 18 se gat nie.

‘n Persoonlike aanval is geloods op my vermoë om my werk te doen.  Meer as eenkeer het ek al die sandput gaan soek wat ingebring is toe ek nie opgelet het nie.

Ek en my geliefde see is steeds bedonnerd vir mekaar – dus is oor en weer kuier nie op die tafel nie.

My kop neurie konstant “You are my sunshine – My only sunshine” – ek vermoed haasore gaan nie eens meer help nie.

Ek het Luke 1 : 37 and I’m faithing it, want self het ek geen oplossing of antwoord of plan of benul hoe ek my kop kan oplig terwyl ek glimlag en my skouers terug trek nie.

Eers as ek ophou om my blessings te sien en eers as ek ophou om dankie te sê sal ek bekommerd word – tot dan sug ek diep en faith ek dit.

Somtyds wens ek kak en drama kan een een aanmeld vir diens.

Somtyds wens ek dat ek die foon nou kon optel en my Dad se stem hoor wat sê ‘Is oraait Ousus, ons vat dit tree vir tree’

Oggend Dinamiek

Met die eerste sontrale wat loer oor die bome teken ek in by my rekenaar en begin werk terwyl die dag breek.  Sielsalige stilte met klassieke musiek wat die gemoed streel.  Neem amper die doring uit die vlees dat ek groudag al sit en werk.  Dit is darem ‘n troos dat ek dit van die gemak van my eie huis kan doen terwyl ek met my slippers aansit, maar steeds.

Terwyl ek nog so in my salige stilkokon sit – tussen die 8 woonstelle in die kompleks is ek die enigste oggendmens – en kyk hoe die lui winterson by die woonsteldeur inkruip hoor ek dit. Deure wat oop en toe gaan en voete wat slof na die parkeerarea.  Voor ek behoorlik irriteerd word – is afterall net na 7 op ‘n Saterdagoggend – word water met die tuinslang in ‘n emmer getap en die nuwe intrekkers regs onder begin hulle kar was.  My irritasie het dadelik oorgeslaan in ongeloof.

Ek mag verkeerd wees in my aanname – met die dat ek einaardige dinge doen in die nag as ek nie kan slaap nie – maar wie de dinges was hulle kar 7uur op ‘n Saterdagoggend!? Sekerlik is daar ander stil aktiwiteite wat jy in jou huis kan doen terwyl ek sielsalige klassieke musiek luister en my katte soos dassies in die son bak?

My oggend dinamiek is nou kanon toe en skielik moet ek eers kyk voor ek met my besemboshare in my pj’s op die stoep gaan sit met my koffie.

Dit is ‘n lieflike sonskynoggend en die herfslug wat deur die oop deure en vensters trek laat my hare eintlik krul van lekker.  Vandag is die tipe dag wat jy kyk oor die berg, glimlag en dankie sê dat elke sintuig van jou wat kan die oggendlied saam met God se natuur sing.

… al moet jy werk = )

 

 

Storm Ruiters

 

Hierdie foto vind sy pad tot by my vandag. Eers het ek gedink daar is woorde wat wil vorm saam met dit.  Nou weet ek hierdie foto sê soveel meer as wat ek ooit sal kan doen met woorde.

Somtyds is iets net.  Vir geen ander rede dat dit net is nie.